ब्रेकिंग

क्रीडा

आयपीएलमध्ये हैदराबाद वादाच्या भोवर्‍यात

Samruddhi Dhayagude
01 Apr 2025

नवी दिल्ली : सनराइजर्स हैदराबाद संघाने आयपीएल २०२५ स्पर्धेमध्ये त्याचे घरेलू मैदान बदलण्याची धमकी दिली आहे. तिकिटांच्या विक्री संबंधित हैदराबाद फ्रेंचाइजी आणि हैदराबाद क्रिकेट असोसिएशन आमने सामने आहेत. सनराइजर्स हैदराबाद संघाचे मॅनेजर यांनी असोसिएशनच्या कोषाध्यक्ष, सीजे श्रीनिवास यांना पत्र लिहिले आहे. ज्यामध्ये स्पष्ट शब्दांत सांगितले आहे की, हैदराबाद संघ कोणत्याही परिस्थितीत असोसिएशनची लुडबुड खपवून घेणार नाही. या पत्रात विशेष स्वरूपात असोसिएशनचे प्रेसिडेंट जगन मोहन राव यांच्यावर निशाणा साधण्यात आला आहे.

सनराइजर्स हैदराबादकडून दावा केला जात आहे की, असोसिएशन अधिकार्‍यांकडून २०२४ पासून चुकीचे वर्तन केले जात आहे. तसेच २७ मार्च रोजी राजीव गांधी इंटरनॅशनल स्टेडियममध्ये एसआरएच विरुद्ध एलएसजी हा सामना खेळला गेला होता. ज्या सामन्यात हैदराबाद क्रिकेट असोसिएशनच्या अधिकार्‍यांनी व्हीआयपी बॉक्स बुक केले होते.

सनराइजर्स हैदराबादने काही हिस्सेदारांसोबत करार केला आहे. ज्या अंतर्गत संघ लाभकारांना ३ हजार ९०० तिकिटे उपलब्ध करायची असतात, यामधील व्हीआयपी बॉक्सची ५० तिकीटे एचसीएसाठी निश्चित केलेली असतात. पण हैदराबाद क्रिकेट असोसिएशनने दुसर्‍या व्हीआयपी बॉक्ससाठी सुद्धा २० तिकिटांची मागणी केली होती. जेव्हा ही मागणी फेटाळण्यात आली तेव्हा, लखनऊ सामन्यादरम्यान म्हटले गेले की व्हीआयपी बॉक्सला ताब्यात घेण्यात आले आहे.

सनराइजर्स हैदराबाद संघाच्या मॅनेजरने म्हटले की, एचसीएच्या प्रेसिडेंटने संघाच्या स्टाफला काहीवेळा धमकी दिली आहे. मॅनेजरने सांगितले की, हे पहिल्यांदा घडले नाही की जेव्हा फ्री तिकिटांबाबत ब्लॅकमेल केले जात आहे. कोषाध्यक्ष यांना लिहिलेल्या पत्रात साफ लिहिल आहे, हैदराबाद संघ त्याचे घरेलु मैदान बदलू शकते. जर असोसिएशनची वागणूक बदलली नाही तर या संबंधित बीसीसीआयकडे तक्रार केली जाईल.